17 студзеня дзіцячая бібліятэка №6 імя В.Віткі сумесна з вучнямі 3-х класаў СШ №60 святкавала юбілей вядомага таленавітага беларускага пісьменніка, лаўрэата шматлікіх літаратурных прэмій, спецыяльнай прэміі Прэзідэнта Рэспублікі Беларусь у намінацыі “Мастацкая літаратура” за кнігу “Сядзіба, або Хата з матчынай душою” і іншых узнагарод Міколы Маляўкі.
Чытачы бібліятэкі грунтоўна падрыхтаваліся да свята: вывучылі вершы аўтара-юбіляра і чыталі іх як самыя сапраўдныя акцёры, спявалі песні на яго вершы, адказвалі на пытанні літаратурнай віктарыны, чыталі скорагаворкі. Чакаў прысутных і сюрпрыз – спектакль “Чароўны апельсін” у пастаноўцы лялечнага тэатра “Пацешка”, дзе рыжая прыгажуня Вавёрачка знайшла апельсін, а Ліса хацела яе перахітрыць. Ды, як у любой казцы, дабро перамагае.
19 студзеня толькі і было чуваць: «Дзякуй», «Вельмі удзячныя Вам», «Калі ласка». Гэта хлопчыкі і дзяўчынкі з дзіцячага садку №139 не проста абменьваліся ветлівымі словамі, а такім чынам адзначылі Сусветнае свята “Дзякуй”.
Дзяцей сустракаў мудры Пугач – роставая лялька, якую падараваў бібліятэцы Театр лялек. Пугач ладзіў з дзецьмі бяседу, гуляў у гульні і наогул упрыгожваў сабою мерапрыемства.
Вядучая пазнаёміла мальнькіх аматараў кнігі с творам «Шмяк говорит спасибо» англійскага пісьменніка Роба Скотта, а каб было больш цікава – разам былі прадэмастраваныя слайды з малюнкамі з кнігі гэтага пісьменніка. Дарэчы, гэтая кніжка вельмі спадабалася малым, а таксама і іх бацькам, якія завіталі на знаёмства з літаратурай.
Вочы дзяцей свяціліся радасцю і здзіўленнем.