У рамках свята Маскоўскага раёна "Квітней мой Мінск, мая сталіца", прысвечанага Дню города, у парке імя М.Паўлава 8 верасня 2018 года з 13.45 да 14.00 упершыню адбудзецца грамадская акцыя – харывы сход "Спявай, душа народная!".
Арганізатарамі мерапрыемства выступілі Беларускі дзяржаўны ўніверсітэт і адміністрацыя Маскоўскага раёна г.Мінска.
Харавы сход – новая форма культурна-масавых мерапрыемстваў, якая мае карані ў народных традыцыях спяваць разам на святах любімыя, вядомыя ўсім песні.
Мэта харавых сходаў – папулярызацыя нацыянальнай культуры, яе музыкі і традыцый.
Адметныя рысы харавога схода:
- адсутнічае падзел на артыстаў і слухачоў. Удзельнікам схода з’яуляецца кожны, хто далучаецца да спеваў, як падрыхтаваны спявак, так і непадрыхтаваны;
- харавы сход адбываецца ў натоўпе народа на святах;
- удзельнікі не карыстаюцца спецыяльнымі прыстасаваннямі (мікрафонамі) і абсталяваннем.
Патэнцыяльныя ўдзельнікі прапанаванага на 8 верасня мерапрыемства – наведвальнікі свята ў парке Паўлава. Плануецца, што ў сходзе прымуць удзел харавыя калектывы, вакальныя ансамблі і групы раёна, і да іх далучаццаўсе госці і наведвальнікі парка, якія маюць ахвоту і жаданне спяваць.
Да харавога выканання будуць прапанаваны вядомыя ўсім песні "Лявоніха", "Купалінка", "Цячэ вада ў ярок", "Бывайце здаровы" (ў імправізаванай форме).
Пачатак акцыі – ў 13.45 на пляцоўцы верхняга ўзроўню. Яе працягласць складзе 15 хвілін.
Запрашаем усіх зацікаўленных прыняць удзел ў гэтай святочнай акцыі.